मुंबई,दि.५: गृहमंत्री अनिल देशमुख यांच्या राजीनाम्यानंतर शरद पवार यांचे विश्वासू सहकारी उत्पादन शुल्क मंत्री दिलीप वळसे पाटील यांच्याकडे गृहमंत्रीपदाचा कारभार सोपविण्यात आला आहे. उद्या दिलीप वळसे-पाटील तातडीने या खात्याची सूत्रे हाती घेतील असे समजते.दरम्यान गृहमंत्री अनिल देशमुख यांचा राजीनामा स्वीकृत करावा असे विनंती पत्र मुख्यमंत्री उद्धव ठाकरे यांनी राज्यपालांना दिले आहे. गृह विभागाचा कार्यभार दिलीप वळसे पाटील यांच्याकडे देण्यात यावा असेही या पत्रात म्हटले आहे.
दिलीप वळसे पाटील यांच्याकडे सध्या असलेला कामगार विभागाचा अतिरिक्त कार्यभार हसन मुश्रीफ व राज्य उत्पादन शुल्क विभागाचा अतिरिक्त कार्यभार उपमुख्यमंत्री तथा वित्तमंत्री अजित पवार यांच्याकडे देण्याबाबत देखील पत्रात विनंती करण्यात आली आहे.
