सिंधुदुर्ग: जिल्ह्यातील कुडाळ तालुक्यांतील गोवेरी येथे दुर्मिळ मानला जाणारा काळा बिबट्या अर्थात ब्लॅक पँथर सापडला आहे. पाण्याच्या टाकीत पडलेल्या या सुमारे दोन वर्षाच्या काळ्या बिबट्याला वनविभागाने सुरक्षित बाहेर काढले. भक्ष्याच्या मागे धावत असताना तो विहिरीत पडला असावा, असे वनविभागाच्यावतीने सांगण्यात आले.
गोवेरी येथे तुकाराम राऊळ यांच्या आंबा-काजू बागेत सिंचनासाठी ७ते ८ फूट खोल पाण्याची टाकी बांधलेली आह सकाळी राऊळ बागेत आले असता टाकीत हालचाल जाणवली. त्यांनी वाकून पाहिले असता त्यांना हा बिबट्या दिसला. त्यांनी याची माहिती वनविभागाला दिली. काही वेळातच वनविभागाचे बचाव पथक घटनास्थळी दाखल झाले. त्यानंतर बचाव पथकाने टाकीमध्ये पिंजरा सोडत ग्रामस्थांच्या मदतीने त्याला पिंजऱ्यात घेत सुखरुप बाहेर काढले. भक्ष्याच्या मागे धावत असताना तो विहिरीत पडला असावा, असे वनविभागाच्यावतीने सांगण्यात आले. हा बिबट्या हा नर जातीचा असून अंदाजे दिड ते दोन वर्षे वयाचा आहे. पशु वैद्यकीय अधिकारी यांच्याकडून त्याची वैद्यकीय तपासणी करून त्यास नैसर्गिक अधिवासात मुक्त करण्यात आले.वनपरिक्षेत्र अधिकारी श्री. शिंदे म्हणाले की, काळा बिबट्या अत्यंत दुर्मिळ मानला जातो. तो बिबट्या असला तरी जनुकीय बदलांमुळे त्याचा रंग काळा असतो.
पहा व्हीडीयो
