मुंबई:कोरोना ची दुसरी लाट जवळपास संपत आली तरीही राज्यातील नाट्यगृहे बंदच आहेत. या पार्श्वभूमी वर आज नाट्यगृह सुरू करण्यासाठी अखिल भारतीय नाट्य परिषदेचे अध्यक्ष नवनाथ मच्छिन्द्र कांबळी, प्रवक्ते मंगेश कदम,मराठी नाट्यव्यासायिक निर्माता संघ अध्यक्ष- संतोष भरत काणेकर, रंगमंच कामगार संघटना अध्यक्ष किशोर वेल्ले, विजय केंकरे,रंगकर्मी आंदोलन प्रतिनिधी विजय राणे आदिंनी मुख्यमंत्री उद्धव बाळासाहेब ठाकरे यांची भेट घेतली. ही भेट घडवून आणणे करिता श्री. आदेश बांदेकर , श्री. सुबोध भावे यांनी विशेष प्रयत्न केले.
या सगळ्यांच्या उपस्थितीत महत्वाचा निर्णय घेण्यात आला तो असा की नाट्यगृह ५०% प्रेक्षक उपस्थितीमध्ये ५ नोव्हेंबर २०२१ पासून सुरू करण्याचे आदेश संबंधित सगळ्या शासकीय अधिकारी आणि विभागांना ताबडतोब देण्यात आले.
