महिला आणि ज्येष्ठ नागरिकांसाठी एसटी तिकिट सवलतींसाठी आता ‘हे’ नियम पाळणे आवश्यक

महाराष्ट्र : राज्य मार्ग परिवहन महामंडळाने (MSRTC) महिला आणि ज्येष्ठ नागरिकांसाठी एसटी तिकिट सवलतींमध्ये बदल केले आहेत. सवलतीचा लाभ घेण्यासाठी आता ओळखपत्र अनिवार्य करण्यात आले आहे.
मार्च 2023 पासून महिलांना एसटीच्या सर्व प्रकारच्या बससेवेवर साधी, मिनी, निमआराम, शिवशाही आणि शिवशाही स्लीपर 50% सवलत दिली जात होती. ही सवलत अजूनही लागू आहे, मात्र आता विशेष ओळखपत्राशिवाय सवलतीचा लाभ मिळणार नाही.

महिला सवलतीसाठी महत्त्वाचे नियम

राज्य परिवहन महामंडळाचे अधिकृत ओळखपत्र असणे अनिवार्य.

ओळखपत्र नसल्यास पूर्ण तिकीट आकारले जाईल.

ही सवलत महाराष्ट्र राज्यापुरतीच मर्यादित आहे.

पनवेल-ठाणे यांसारख्या काही शहरांतर्गत मार्गांवर ही सवलत लागू नसेल.

या अटीमुळे सवलतीच्या लाभात पारदर्शकता येणार असून, योजनेचा गैरवापर टळेल, असं MSRTC प्रशासनाचं म्हणणं आहे. ज्येष्ठ नागरिकांना दिल्या जाणाऱ्या तिकिट सवलतींमध्येही दोन वयोगटांनुसार वेगळे नियम लागू करण्यात आले आहेत.

65 ते 75 वर्षांपर्यंतचे ज्येष्ठ नागरिक: 50% तिकीट सवलत

75 वर्षांवरील नागरिक: मोफत प्रवास

या सवलतींमुळे ज्येष्ठ नागरिकांचा प्रवास अधिक सुलभ, आरामदायक आणि आर्थिकदृष्ट्या हलका होईल.

सवलतीसाठी आवश्यक

अधिकृत ओळखपत्र सोबत ठेवणे अनिवार्य

ओळखपत्र नसेल तर पूर्ण तिकीट आकारले जाईल
एसटी महामंडळाचा उद्देश स्पष्ट आहे.

सवलतींचा लाभ खरंच पात्र असलेल्या प्रवाशांपर्यंतच पोहोचावा.

त्यामुळे, सवलतींचा गैरवापर टाळण्यासाठी ओळखपत्रासारख्या अटी लागू केल्या जात आहेत. यामुळे योजना अधिक प्रभावी, पारदर्शक आणि व्यवस्थीत राबवता येणार आहे.