राज्यातील 01 एप्रिल 2019 पूर्वीच्या वाहनांना हाय सिक्युरिटी नंबर प्लेट बसविण्यासाठी 30 जून पर्यंत मुदतवाढ
मुंबई : महाराष्ट्रातील 1 एप्रिल 2019 पूर्वीच्या नोंदणीकृत मोटार वाहनांवर हाय सिक्यूरिटी नंबरप्लेट (HSRP) बसविण्या साठी अखेर 30 जून ही मुदत देण्यात आलेली आहे.ऑटोरिक्षाधारक, टॅक्सीधारक, ट्रकधारक तसेच कार्यरत संघटनांनी आपल्या वाहनांना लवकरात लवकर हाय सिक्युरिटी नंबरप्लेट (HSRP) बसवून घ्यावी. परिवहन आयुक्त, मुंबई यांच्या निर्देशानुसार एक ठिकाणी किमान 25 किंवा 25 पेक्षा जास्त दुचाकी चारचाकी / ऑटोरिक्षा/ टॅक्सी / बस / ट्रक मालकांनी HSRP बसविण्यासाठी अर्ज केल्यास त्यांच्या सोयीच्या ठिकाणी किंवा हाऊसिंग सोसायटीमध्ये संबंधित एजन्सीमार्फत कोणतेही अतिरिक्त होम फिटमेंट शुल्क न आकारता HSRP बसविण्यात येईल. तसेच राज्यामध्ये जुन्या वाहनांना हाय सिक्युरिटी नंबर प्लेट (HSRP) बसविण्याचे काम फारच कमी झाल्याचे निदर्शनास आले असल्याने हाय सिक्युरिटी नंबरप्लेट (HSRP) बसविण्यासाठी दि.30 जून 2025 पर्यंत मुदतवाढ देण्यात आली असल्याचे कल्याण उप प्रादेशिक परिवहन अधिकारी आशुतोष बारकुल यांनी कळविले आहे.
