वर्धा- वर्धा जिल्ह्यातून एक खळबळजनक बातमी समोर आली आहे. वर्धा जिल्ह्यात आर्वीच्या कदम हॉस्पिटल परिसरात अर्भकांच्या ११ कवट्या आणि ५२ हाडं आढळल्याने एकच खळबळ उडाली आहे. पोलिसांनी एका खड्ड्यात सापडलेली ही अर्भकांची हाडं आणि कवट्या पुढील तपासणीसाठी नागपूरच्या प्रयोगशाळेत पाठवली आहेत. प्रयोगशाळेच्या अहवालानंतर सखोल चौकशी करण्याची भूमिका पोलिसांनी घेतली आहे.
पोलिसांनी आरोपी डॉ. रेखा कदमला अटक केली आहे. तसेच डॉ. कदम यांच्या सासूलाही ताब्यात घेतलं आहे.४ दिवसांपूर्वी आर्वीतील डॉ. रेखा कदम यांच्या हॉस्पिटलमध्ये एका अल्पवयीन मुलीचा गर्भपात करण्यात आला. या प्रकरणी पोलीस तक्रार झाल्यावर हा बेकायदेशीर गर्भपात ३० हजार रूपये घेऊन करण्यात आल्याचे स्पष्ट झाले.
त्यामुळे पोलिसांनी कारवाई करत डॉक्टरसह तिघांना अटक केली. बुधवारी पोलिसांनी हॉस्पिटल परिसरात तपासणी केली. यावेळी रूग्णालयाच्या परिसरात एका खड्डयात ११ कवटया आणि ५२ हाडे आढळून आली. पोलिसांनी हे अवशेष ताब्यात घेऊन नागपूरच्या प्रयोगशाळेत तपासणीसाठी पाठवले आहेत.या घटनेने परिसरात खळबळ माजली आहे.
