मुंबई : गोरेगाव (पूर्व) भागात आरे दुग्ध वसाहत जागेवर ३० शासकीय तबेले, वसाहती आहेत. या जागेवरील अतिक्रमणावर कारवाई करण्याच्या सूचना मुंबई महापालिका, पोलिस यांना देण्यात आल्या आहेत. या जागेवर अतिक्रमण होऊ देणार नाही, असे दुग्ध व्यवसाय विकास मंत्री अतुल सावे यांनी विधानसभेत लक्षेवधी सूचनेच्या उत्तरात स्पष्ट केले.
या वसाहतीबाबत सदस्य अनंत नर यांनी लक्षवेधी सूचना उपस्थित केली होती.
अतुल सावे म्हणाले, या वसाहतीच्या जमिनीवर अवैध धंदे होत असल्याच्या तक्रारी आहेत. त्यासाठी पोलिसांना गस्त वाढविण्यात आली असून सुरक्षा रक्षक वाढविण्यात आले आहे. या वसाहतीच्या प्रश्नासंदर्भात संबंधित अधिकारी व लोकप्रतिनिधी सोबत बैठकीचे आयोजनही करण्यात येईल. त्या जमिनीवरील अतिक्रमणावर यापूर्वीदेखील कारवाई करण्यात आलेली आहे. तसेच बैठकही घेण्यात आलेली आहे.
