मुंबई:- सध्या हिवाळा सुरू आहे आणि थंडी सुद्धा वाढू लागली आहे. उत्तरेकडून येणाऱ्या थंड वाऱ्यांमुळे महाराष्ट्र गारठल्याचं चित्र पाहायला मिळत आहे.अश्यात बऱ्याच ठिकाणी पाऊस देखील पडतोय आणि हवामान सुद्धा बदलत आहे.याचतच आपल्या आजूबाजूला बरेच जण आजारी पडल्याचं देखील चित्र आहे.अश्यात आम्ही आपल्याला आरोग्याशी संबंधित आणि रोगप्रतिकारक शक्ती वाढवणाऱ्या लाडूची माहिती देणार आहोत.हा लाडू तुम्ही रोज खाल्लात तर तुम्हाला सर्दी,खोकला आणि ताप येणे अश्या किरकोळ आजारांपासून घाबरण्याचे काहीच कारण नाही. आणि महत्वाचं म्हणजे पाठदुखी, अंगदुखी आणि सांधेदुखीपासूनही हा लाडू आपला बचाव करतो.
आपण आहारात खात असलेल्या बऱ्याच गोष्टी आपली रोगप्रतिकारक शक्ती वाढवण्यास कारणीभूत ठरत असतात.अश्यातच मेथीचा लाडू जर आपण रोज खाल्ला तर नक्कीच आपली रोगप्रतिकारकशक्ती वाढण्यास मदत होते.मेथीमध्ये असलेले घटक आपल्याला निरोगी ठेवतात आणि मुख्य म्हणजे थंडीच्या दिवसात आपल्याला विविध आजारांपासून वाचवतात.सांधेदुखीवर मेथेचा लाडू हा अत्यंत फायदेशीर ठरतो.कारण मेथी शरीरात उष्णता निर्माण करते.यामुळे आपले दुखण्याला आराम मिळू शकतो.
मेथीचे लाडू वृद्धांची कमकुवत झालेली हाडे मजबूत करण्यास आणि शरीरातील उष्णता, शक्ती आणि रोग दूर करण्यास मदत करतात. त्यामुळे हे लाडू घरी तयार करण्याचा प्रयत्न करा आणि आरोग्यदायी जीवनासाठी एक पाऊल पुढे टाका.
