वंदे भारत, पुणे एक्स्प्रेस व मंगलोर एक्स्प्रेस या तीन गाड्यांना कुडाळ येथे थांबे न दिल्यास रेल रोको आंदोलन

कुडाळ,दि.5 (प्रतिनिधी) सिंधुदुर्ग जिल्ह्याचे मध्यवर्ती ठिकाण हे कुडाळ असूनही कोकण रेल्वेसह रेल्वे बोर्डाकडून थांबे देताना कुडाळवर जाणीवपूर्वक अन्याय केला जात आहे. नव्याने सुरू होणाऱ्या वंदे भारत, पुणे एक्स्प्रेस व मंगलोर एक्स्प्रेस या तीन गाड्यांना २० जूनपर्यंत येथे थांबा द्यावा. अन्यथा रेल रोको आंदोलन छेडण्याचा निर्णय शनिवारी येथे झालेल्या कुडाळवासीयांच्या बैठकीत घेण्यात आला.

कुडाळचे आमदार म्हणून वैभव नाईक यांनी कुडाळवर अन्याय झाला असताना या बाबत कोणतीही प्रतिक्रिया दिली नाही, याबाबत बैठकीत तीव्र नाराजी व्यक्त करून त्यांनी कुडाळच्या विकासाचा प्रश्न व बैठकीत लोकप्रतिनिधी म्हणून सहभाग घेतलाच पाहिजे, अशी भूमिका मांडण्यात आली.