मुंबई: भाजपा नेते आणि खासदार नारायण राणे यांना मुंबईतल्या जसलोक रुग्णालयात दाखल करण्यात आले आहे. त्यांच्यावर तातडी शस्त्रक्रिया होणार असल्याची माहिती समोर आली आहे. त्यांना डॉक्टरांच्या सल्ल्यानुसार शस्त्रक्रियेसाठी दाखल करण्यात आल्याची माहिती समोर आली आहे. नारायण राणेंवर नेमकी कोणती शस्त्रक्रिया होणार हे अद्याप समोर आलेलं नाही. आमदार रोहित पवार यांनी नारायण राणेंना रुग्णालयात दाखल करण्यात आल्यासंदर्भातली पोस्ट केली आहे.
काय आहे रोहित पवारांची पोस्ट?
“ज्येष्ठ नेते नारायण राणे साहेब यांना जसलोक रुग्णालयात दाखल केल्याची बातमी समजली. राणे साहेब तब्येतीची काळजी घ्या आणि लवकर बरे व्हा, माझ्या सदिच्छा आपल्यासोबत आहेत.”
