मुंबई- राष्ट्रपती राम नाथ कोविंद यांच्या हस्ते राजभवनातील नवीन दरबार हॉलचे उदघाटन करण्यात आले. यावेळी श्रीमती सविता कोविंद, राज्यपाल भगतसिंह कोश्यारी, मुख्यमंत्री उद्धव ठाकरे, उपमुख्यमंत्री अजित पवार, सार्वजनिक बांधकाम मंत्री अशोक चव्हाण यांच्यासह इतर मान्यवर, वरिष्ठ शासकीय अधिकारी उपस्थित होते.
यावेळी बोलतांना मुख्यमंत्री उद्धव ठाकरे म्हणाले,
· मला आज या नुतनीकरण केलेल्या, ऐतिहासिक- वैभवशाली परंपरा लाभलेल्या दरबार हॉलच्या उदघाटन कार्यक्रमाला उपस्थित राहाता आले याचा आनंद.
· मुख्यमंत्री म्हणून व्यक्तीश: आनंद
· दरबार हॉल ,राजभवन, आमच्यासाठी नवं नाही
· विरोधी पक्षात होतो तेंव्हा ही वर्षभरातून एखाद दुसऱ्यावेळी शिष्टमंडळ घेऊन येत होतो. आमच्या व्यथा मांडत होतो.
· आजही आमचा संवाद सुरु आहे.
· या वास्तुने १०० वर्षाहून अधिक काळात घडलेल्या घटना घडामोडी पाहिल्या.
· ३० एप्रिल १९६० रोजी संयुक्त महाराष्ट्राच्या नकाशाचे अनावरण तत्कालीन पंतप्रधान पंडीत नेहरू यांनी याच वास्तूत केले त्याचा विशेष आनंद आहे.
· ही नवीन रुप धारण केलेली वास्तु आहे. यात ज्यांचा हातभार लागला त्या सर्वांचे मनापासून आभार
· दरबार हॉलचे अप्रतिम असं सौंदर्य नव्या दमाने लोकांसमोर ठेवले
· मुंबई तील राजभवन देशातील सर्वोत्तम राजभवन आहे
· एका बाजूला अथांग समुद्र दुसऱ्या बाजूला सुंदर झाडं, ज्याला शहरातील जंगल असं देखील म्हणता येईल. याने हे राजभवन अधिकच सुंदर झाले आहे.
· इथली हवा थंड आहे, राजकीय हवा कशीही असू द्या, इथली हवा थंड आहे.
· पावसाळ्यात थुई थुई नाचणारे मोर आहेत. इथून सर्पमित्राकडून विषारी सर्प पकडल्याचे फोटो आपण पाहतो.
· अशी वास्तू शोधून सापडणार नाही
· ब्रिटीश गव्हर्नरचे हे चौथे निवास स्थान होते.
· ग्यानी झैलसिंग यांनी शिवसेनाप्रमुखांना बोलावलं होतं, प्रणवदा होते त्यांनी मला भेटायला बोलावले होते. अशा अनेक आठवणी आहेत.
· या संपूर्ण वास्तूचे जुनी वैशिष्ट्ये जपत आपण नवीन वास्तू उभारली आहे.
· जुना वारसा जपून आपण आधुनिकीकरणाकडे चाललो आहोत हे या वास्तूचे वैशिष्ट्य आहे.
· ऊन वारा पाऊस झेलतांना इमारतीवरही परिणाम होतो.
· वैशिट्ये कायम ठेऊन नुतनीकरण करण्याचे आवाहन पेलले
· आधुनिकता अंगी बाळगतांना संस्कृती जपणे, जुन्या नव्याचा समतोल साधणे गरजेचे
· पारतंत्र्यांच्या घटनांची आठवण जपणारी वास्तू सशक्त लोकशाहीचा वारसा पाहण्यासही सज्ज झाली आहे.
· या वास्तूत आनंददायी घटना घडत राहतील अशी अपेक्षा करतो
