मुंबई : माहिती व जनसंपर्क महासंचालनालयात पदोन्नतीने नियुक्त झालेल्या उपसंचालक (माहिती) यांचा प्रधान सचिव तथा माहिती व जनसंपर्क महासंचालनालय महासंचालक ब्रिजेश सिंह यांच्या हस्ते सत्कार करण्यात आला.
कोकण विभागीय माहिती कार्यालयाचे उपसंचालक (माहिती) र.बा.गिते, उपसंचालक (माहिती) देवेंद्र लक्ष्मण पाटील, उपसंचालक (माहिती) मीनल शशिकांत जोगळेकर, उपसंचालक (माहिती) कीर्ती मोहरील-पांडे आणि उपसंचालक (माहिती) वर्षा संतोष आंधळे या नवनियुक्त उपसंचालकांचा माहिती व जनसंपर्क महासंचालनालयाचे प्रधान सचिव तथा महासंचालक ब्रिजेश सिंह यांच्या हस्ते सत्कार करण्यात आला.
कोल्हापूर येथील विभागीय माहिती कार्यालयाचे उपसंचालक (माहिती) प्रविण टाके व पुणे येथील विभागीय माहिती कार्यालयाचे उपसंचालक (माहिती) पदावर किरण मोघे यांची नियुक्ती झाली आहे.
माहिती व जनसंपर्क महासंचालनालयाचे प्रधान सचिव तथा महासंचालक ब्रिजेश सिंह यांनी सर्व उपसंचालकपदी नवनियुक्त अधिकाऱ्यांना पुढील वाटचालीसाठी शुभेच्छा दिल्या व संघभावनेने कार्य करून माहिती व जनसंपर्क महासंचालनालयाचे कार्य अधिक बळकट करण्याचे आवाहन केले.
यावेळी संचालक (माहिती) (प्रशासन) हेमराज बागूल, संचालक (माहिती) किशोर गांगुर्डे, संचालक (माहिती) ( वृत्त व जनसंपर्क) गणेश मुळे उपस्थित होते.
