मुंबई : शिवसेना (उद्धव बाळासाहेब ठाकरे) पक्षाचे प्रमुख उद्धव ठाकरे आणि उपमुख्यमंत्री देवेंद्र फडणवीस यांची लिफ्टमधील भेट ताजी असतानाच आता विधानभवनाच्या लॉबीत देवेंद्र फडणवीस आणि शिवसेना (उबाठा) आमदार आदित्य ठाकरे यांची भेट झाली. यावेळी लिफ्टवरुनच दोघांमध्ये पुन्हा हास्यविनोद रंगले आणि एकच हशा पिकला.
विधिमंडळाच्या लॉबीत कोणे एकेकाळचे मित्र आणि आताच्या विरोधकांमध्ये हलका फुलका संवाद रंगल्याचं पुन्हा एकदा पाहायला मिळालं. विधानपरिषदेचे विरोधीपक्ष नेते अंबादास दानवे आपल्या कार्यालयातून बाहेर आले आणि त्याच वेळी देवेंद्र फडणवीस आणि आदित्य ठाकरे अचानक एकमेकांच्या समोरासमोर आले.
नमस्कार, काय चाललं आहे? असं देवेंद्र फडणवीस यांनी विचारताच, मी लिफ्टमध्ये चाललोय असं आदित्य ठाकरेंनी मिश्किलपणे म्हटलं. त्यानंतर दोघं एकमेकांकडे पाहून जोरात हसले. मग काही चर्चा करत स्मितहास्य करुन दोघेही निघून गेले. त्यावेळी प्रसाद लाडही तिथे उपस्थितहोते.
