शिवसेनाप्रमुखांच्या जयंती निमित्त दिंडोशी विधानसभेतील दिव्यांग, निराधार नागरिकांना संजय गांधी योजने अंतर्गत ओळखपत्र, आदेशपत्र आणि ब्लँकेट वाटप!

मुंबई– ८० टक्के समाजकरण आणि २० टक्के राजकारण ही शिकवण शिवसेनाप्रमुख बाळासाहेब ठाकरे यांनी तमाम शिवसैनिकाना दिली. शिवसेनाप्रमुखांची दिंडोशी विधानसभा क्षेत्रात सर्व शाखांच्या माध्यमातुन विविध समाज हितोपयोगी कार्यक्रमाचे आयोजन करून जयंती मोठ्या उत्साहात आणि जल्लोषात साजरी करण्यात येते. दिंडोशी विधानसभा क्षेत्रातील आमदार सुनील प्रभू यांच्या कुरारगाव येथील संपर्क कार्यालया मधून अंध, अपंग, परित्यक्ता, निराधार, मुक – बधिर, विधवा महिला याना महाराष्ट्र शासनाच्या वतीने देण्यात येणाऱ्या संजय गांधी योजनेतून आर्थिक सहाय्य देण्याबाबत सतत मार्गदर्शन आणि मदत विनामूल्य दिली जाते.

शिवसेनाप्रमुखांच्या जयंतीनिमित्त शिवसेना नेते, दिंडोशी विधानसभा मतदार संघाचे आमदार, विभागप्रमुख सुनील प्रभू यांनी आज शुक्रवार दिनांक २४ रोजी दिंडोशी विधानसभा क्षेत्रातील ज्या अंध, अपंग, परित्यक्ता, निराधार, मुक – बधिर, विधवा महिला नागरिकांना या महिन्यापासून संजय गांधी योजनेचा लाभ प्राप्त झाला अशा नागरीकांना महाराष्ट्र शासनाचे आदेशपत्र , पेंशन ओळखपत्र आणि प्रमाणपत्र, गुलाब फुल आणि ब्लँकेट देऊन सन्मानित करून सुपूर्द करण्यात आले.

यावेळी विधानसभा संघटक रिना सुर्वे, उपविभाग प्रमुख सुनिल गुजर साहेब, शाखा प्रमुख अशोक राणे, मनोहर राणे, कृष्णा सुर्वे, अक्षता पांचाळ, प्रमोद चव्हाण, सुशांत पांचाळ, सुशांत पारकर आणि सर्व पदाधिकारी व शिवसैनिक उपस्थित होते. सर्व पेन्शंन धारकांनी पेंशन लाभ सुरू करून दिल्या बद्दल आमदार सुनिल प्रभु यांचे आभार मानले.