मुंबई: यशवंतराव भोसले एज्युकेशन सोसायटी संचलित भोसले सैनिक स्कूल ला नुकतीच अधिकृत मान्यता मिळाली असून सावंतवाडी शहरात ही सैनिक शाळा उभारण्यात येणार आहे.
संरक्षण मंत्रालय, भारत सरकार आणि नवी दिल्लीतील सैनिक स्कुल सोसायटीच्या माध्यमातून या शाळेला मान्यता मिळाल्याने कोकणातलं हे पाहिलं सैनिक स्कुल ठरणार आहे.
शहरातील चराठे येथील भोसले नॉलेज सिटी च्या भव्य संकुलात येत्या 15 नोव्हेंबर रोजी या शाळेचे उदघाटन तसंच शाळेच्या मुख्य इमारतीचे भूमिपूजनहोणार आहे.
ही माहिती संस्थेचे कार्याध्यक्ष अच्युत सावंत-भोसले यांनी एका पत्रकार परिषदेत दिली.
यावेळी सैनिक स्कुल चे मुख्य कार्यकारी अधिकारी ले.कर्नल
रत्नेश सिन्हा, तसेच जनसंपर्क अधिकारी नितीन सांडये उपस्थित होते.
सद्या देशभरात 33 सैनिक शाळा कार्यरत आहेत. मात्र सैनिकी शिक्षणाच्या वाढत्या मागणीमुळे केंद्र सरकारने अलिकडे च पब्लिक – प्रायव्हेट पार्टनरशिप (पीपीपी) या मॉडेल वर आधारीत 69 नव्या सैनिक शाळांना मान्यता दिली आहे भोसले सैनिक स्कुल हे यापैकी एक आहे. कोकणातला हे अशाप्रकारचं पाहिलंच सैनिक स्कुल ठरणार असणार आहे असे भोसले यांनीयावेळी स्पष्ट केले.
या शाळेची एकूण प्रवेश क्षमता 160 विद्यार्थी इतकी आहे.त्यापैकी 40 जागा विद्यार्थिनींसाठी राखीव आहेत.दरवर्षी सहावी आणि नववी इयत्तेत प्रवेश दिला जाणार आहे. तसेच प्रवेश प्रक्रिया राष्ट्रीय स्तरावर ‘एआयएसएसईई ‘परीक्षेद्वारे पार पडेल.
सुमारे 15 एकरच्या भोसले सैनिक स्कुलच्या कॅम्पस मध्ये शैक्षणिक इमारती, ट्रेनिंग ब्लॉक्स, हॉस्टेल्स, ड्रिल ग्राउंड, स्पोर्ट्स कॉम्प्लेक्स आदी सैनिकी शिक्षणाच्या अद्ययावत सोयी सुविधा असणार आहेत. याची उभारणी सुरु आहे.
15 नोव्हेंबर पासूनच औपचारिक प्रवेश प्रक्रिया सुरु केली जाणार आहे.
‘भोसले नॉलेज सिटी’ ही अभियांत्रिकी,फार्मसी, आदी विविध विषयांचे अत्याधुनिक पद्धतीने शिक्षण देणारी जिल्ह्यातील सर्वात भव्य आणि मोठी अशी एकमेव शिक्षण संस्था आहे.
