मुख्यमंत्री युवा कार्य प्रशिक्षण योजना” कालावधीत 5 महिन्यांची वाढ

ठाणे : “मुख्यमंत्री युवा कार्य प्रशिक्षण योजना” या योजनेचा प्रशिक्षण कालावधी 6 महिने होता. दि.10 मार्च 2025 च्या शासन निर्णयानुसार प्रशिक्षण कालावधी 11 महिने करण्यात आला आहे. तरी ज्या प्रशिक्षणार्थींचा प्रशिक्षण कालावधी संपलेला आहे आणि पुन्हा 5 महिन्यांसाठी प्रशिक्षण घेण्यासाठी इच्छुक आहेत, अशा प्रशिक्षणार्थींनी तात्काळ आपल्या संबंधित आस्थापनेशी संपर्क करुन रुजू व्हावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहाय्यक आयुक्त संध्या साळुंखे यांनी केले आहे.

राज्यातील युवकांना त्यांच्या शिक्षणानंतर प्रत्यक्ष कामाचे प्रशिक्षण देवून त्यांची रोजगार मिळण्याची क्षमता वाढविण्याकरिता “मुख्यमंत्री युवा कार्य प्रशिक्षण योजना” कार्यान्वित करण्यात आली आहे. या योजनेचा प्रशिक्षण कालावधी आधी 6 महिन्याचा होता. मात्र दि.10 मार्च 2025 रोजीच्या शासन निर्णयान्वये प्रशिक्षण कालावधी 11 महिने करण्यात आलेला आहे.

तरी, ज्या प्रशिक्षणार्थींचा प्रशिक्षण कालावधी संपलेला आहे व पुन्हा 5 महिन्यासांठी प्रशिक्षण घेण्यासाठी इच्छुक आहेत, अशा प्रशिक्षणार्थींनी तात्काळ आपल्या संबंधित आस्थापनेशी संपर्क करुन रुजू व्हावे. तसेच अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्राशी संपर्क साधावा.