परिवहन मंत्री अनिल परब यांच्या वांद्रे येथील घराबाहेर पोलिसांचा बंदोबस्त वाढला, प्रशिक्षणार्थ्यांकडून आज होणार आंदोलन
मुंबई:- परिवहन मंत्री अनिल परब यांच्या वांद्रे येथील घराबाहेर पोलिसांचा मोठा बंदोबस्त वाढवण्यात आला आहे. मोठ्या प्रमाणात बॅरिकेटिंग करण्यात आलं असून पोलिसांनाही पाचारण करण्यात आले आहे. २०१९ साली काही उमेदवारांची प्रक्रिया पूर्ण झाली होती. मात्र, त्यांना महामंडळानं अद्यापही नियुक्ती दिली नाही. अशातच या १८०० आंदोलकांकडून त्वरीत कामावर घेण्याची मागणी केली जात आहे. त्याचसाठी या प्रशिक्षणार्थ्यांकडून आज आंदोलन केलं जात आहे.
एसटी महामंडळाकडून २०१९ ला प्रक्रिया पूर्ण करुन प्रशिक्षणार्थ्यांना भरती करण्यात आलं होतं. मात्र, तरिही त्यांना आजवर नियुक्ती देण्यात आली नव्हती.अश्यात आता १८०० प्रशिक्षणार्थी आंदोलकांकडून कामावर घेण्याची मागणी केली जात आहे.
या आंदोलकांमध्ये चालक, वाहक, सहाय्यक, टेक्निशियन्सचा समावेश करण्यात आला आहे. या आंदोलनाच्या पार्श्वभूमीवर परिवहन मंत्री अनिल परब यांच्या वांद्रेतील घराबाहेर पोलिसांचा बंदोबस्त वाढवण्यात आला आहे. ठिकठिकाणी प्रशिक्षणार्थी आंदोलकांकडून मोर्चाची तयारी करण्यात आली असून मोठा पोलीस फौजफाटा तैनात करण्यात आला आहे.
