बीड:- आज संपूर्ण भारत प्रजासत्ताक दिन साजरा करत असताना बीडमधून एक धक्कादायक प्रकार समोर आला आहे. बीड पोलीस मुख्यालयावर मंत्री धनंजय मुंडेंसमोर एकाने आत्मदहन करण्याचा प्रयत्न केला आहे.झेंड्याच्या समोरच अंगावर डिझेल ओतून हा आत्मदहनाचा प्रयत्न करण्यात आला आहे.
बीड शहरातील पंचशील नगर भागातील रस्त्याच्या बोगस कामाची तक्रार करूनही कारवाई न झाल्याने हे पाऊल उचलल्याची प्राथमिक माहिती समोर येत आहे. विनोद शेळके असं आत्मदहनचा प्रयत्न करणाऱ्या व्यक्तीचं नावं आहे.
तर धनंजय मुंडे यांच्यासमोर आणि झेंडावंदन स्थळी आत्मदहनाचा प्रयत्न केल्यानं खळबळ उडाली आहे. दरम्यान पोलीस घटनास्थळी असून अधिक तपास सुरू आहे.
