मोठी बातमी! भाजप आमदार प्रसाद लाड यांच्या घराजवळ २ संशयित तरुणांना पोलीसांनी बंदुकीसह पकडले

मुंबई- मुंबईमध्ये भाजपचे आमदार आणि भाजप प्रदेश उपाध्यक्ष प्रसाद लाड यांच्या घराजवळ २ संशयित तरुणांना पकडण्यात आले आहे. या दोन्ही तरुणांकडे ३ मोबाईल आणि बंदूक देखील मिळाल्या आहेत. त्यामुळे परिसरात एकच खळबळ उडाली आहे.

प्रसाद लाड यांच्या घराच्या बाजूला या २ संशयित तरुणांना पोलिसांनी ताब्यात घेतले आहे. सध्या त्यांची पोलीस कसून चौकशी करत आहेत. धक्कादायक म्हणजे, या दोन्ही तरुणांकडे ३ मोबाईल फोन सापडले आहेत.याचसोबत त्यांची तपासणी केली असता त्यांच्याकडे बंदूक सापडून आली आहे. यातील एका तरुणाचे आधारकार्ड समोर आले आहे. त्यावर मिठ्ठू असे नाव आहे.

तो उत्तर प्रदेशमधील राहणारा आहे. पोलिसांनी या दोन्ही तरुणांना ताब्यात घेतले आहे. त्यांच्याकडे बंदूक कुठून आल्यात, ते इथं काय करण्यासाठी आले होते, याचा सध्या तपास पोलीस करत आहेत.