ओबीसी समाजाच्या राजकीय आरक्षणाबाबत मोठी बातमी! ‘त्या’ विधेयकावर राज्यपालांनी केली स्वाक्षरी

मुंबई- ओबीसी आरक्षणाशिवाय राज्यातल्या स्थानिक स्वराज्य संस्थांच्या निवडणुका घेतल्या जाऊ नयेत, अशी तरतूद करणारं विधेयक राज्याच्या विधिमंडळात पारीत करण्यात आलं होतं. सर्वपक्षीय पाठिंब्यावर हे विधेयक मंजूर करण्यात आल्यानंतर त्यावर राज्यपालांच्या स्वाक्षरीची प्रतीक्षा होती.

राज्यपालांच्या निर्णयाकडे सगळ्यांचं लक्ष लागलं होतं. अखेर आज राज्यपालांनी या विधेयकावर स्वाक्षरी केल्यामुळे या विधेयकाचं कायद्यामध्ये रुपांतर झालं आहे.अजित पवारांनी माध्यमांशी बोलताना यासंदर्भातील महत्त्वाची माहिती दिली आहे.

याचसोबत आज महाविकास आघाडीच्या शिष्टमंडळाने ओबीसी समाजाच्या राजकीय आरक्षणाबाबत राज्यपालांची भेट देखील घेतली होती.यावेळी राज्यातील ओबीसी समाजाला राजकिय आरक्षण मिळावं यासाठी राज्यपालांशी चर्चा करण्यात आली.