सातारा- सातारा जिल्ह्यात काही ठिकाणी भुकंपाचे सौम्य धक्के बसले आहेत. आज सकाळी ९ वाजून ४७ मिनीटांनी ३.३ रिश्टर स्केल इतका भूकंपाचा धक्का कोयना धरण परिसरात जाणवला आहे.
भूकंपाचा केंद्रबिंदू धरणापासून ९.६ किलोमीटर अंतरावर काडोली गावच्या पश्चिमेस ७ किलोमीटर अंतरावर असल्याची माहिती कोयना भूकंप मापन केंद्रावरून देण्यात आली आहे.मंगळवारी सकाळी ९.४७ वाजता हा ३.३ रिश्टर स्केलचा भूकंपाचा धक्का जाणवला आहे.
या भूकंपामुळे कोयना धरणाला कोणताही धोका पोहोचला नसल्याची माहिती धरण व्यवस्थापनाकडून देण्यात आली.दरम्यान घरातील रॅकवरील भांडी हलल्याने हा भूंकपाचा धक्का अनेकांना जाणवला आहे.
