रत्नागिरी स्थानकात मोठी दुर्घटना टळली, चालत्या रेल्वेतून उतरणाऱ्या तरुणाला रेल्वेखाली जाताना आरपीएफ जवानानी व विक्रेत्यांनी वाचविले

कोकण: रत्नागिरी स्थानकात आज मोठी दुर्घटना घडताना सुदैवाने टळली. चालत्या ट्रेन मधून बेजबाबदार पणे उतरणारा तरुण पडला आणि ट्रेन खाली जात होता. पण प्लॅटफॉर्म वर सेवेत असलेल्या दोन आर पी एफ आणि एक विक्रेत्याच्या सतर्कतेने त्याचे प्राण वाचले. या घटनेचे सीसीटीव्ही फुटेज समोर आले आहे.

आज सकाळी एलटीटी- सावंतवाडी सकाळी 6 वाजून 41 मिनिटांनी रत्नागिरी च्या प्लॅटफॉर्म क्रमांक एक वर दाखल झाली. ट्रेन प्लॅटफॉर्म वर थांबण्यापूर्वीच यातील एक तरुणाने ट्रेन मधून उतरण्याचा प्रयत्न केला. या चुकीच्या प्रयत्नांत हा तरुण चालत्या ट्रेन च्या खाली जात होता होता. पण तो पडताच प्लॅटफॉर्म वर कार्यरत असलेल्या कोकण रेल्वेच्या दोन आर पी एफ जवान आणि एका विक्रेत्याने सतर्कता दाखवत त्याला वेगाने बाजूला ओढले. त्यामुळे त्याचे प्राण वाचले. कोकण रेल्वेचा आर पी एफ जवान रणजीत सिंह आणिमहेंद्र पाल तसेच विक्रेता वीर सिंग यांनी त्याला वेळीच ओढत ट्रेन खाली जाण्यापासून वाचवले. त्याच्या बरोबर प्रवास करीत असलेल्या प्रवाशांकडून मिळालेल्या माहिती नुसार हा तरुण गोळप रत्नागिरी येतील असल्याची माहिती पुढे आली आहे. या जखमी तरुणावर कोकण रेल्वेच्या पथकाने तात्काळ प्रथमोपचार केले आणि पुढील उपचारासाठी त्याला जिल्हा शासकीय रुग्णालयात हलवण्यात आले.प्लॅटफॉर्म वर कार्यरत दोन आर पी एफ व विक्रेत्यांनी समयसूचकता दाखवत केलेल्या हालचालीमुळे केवळ त्याचे प्राण वाचले. या घटनेची दखल कोकण रेल्वेचे अध्यक्ष तथा व्यवस्थापकीय संचालक संतोष कुमार झा यांनी तिघांचे ही विशेष कौतुक आहे. संतोष कुमार झा यांनी या तिघांना ही प्रत्येकी पाच हजार रुपयांचे अवॉर्ड जाहीर करून ते तात्काळ त्यांना प्रदान करण्यात आले आहे.