रुस्तमजी आजियानो एबीसी हौसिंग सोसायटीला ‘उत्कृष्ट हौसिंग सोसायटी’चा बहुमान

प्रशस्तीपत्र देऊन सोसायटीचा गौरव

ठाणे, दि. ६ : केंद्रीय सहकार मंत्रालयाच्या स्थापनेला पाच वर्षे पूर्ण झाल्याच्या निमित्ताने रुस्तमजी आजियानो एबीसी हौसिंग सोसायटीच्या दरबार हॉलमध्ये ‘सहकार सप्ताह दिन’ उत्साहात साजरा करण्यात आला.

या कार्यक्रमाला ठाणे उपनिबंधक, सहकारी संस्था कार्यालयाचे अध्यक्ष श्री. सीताराम राणे तसेच जिल्हा उपनिबंधक, सहकारी संस्था डॉ. किशोर गाडे हे प्रमुख पाहुणे म्हणून उपस्थित होते. कार्यक्रमाच्या प्रारंभी सोसायटीच्या समितीच्या सदस्यांनी शाल व पुष्पगुच्छ देऊन प्रमुख पाहुण्यांचे स्वागत व सत्कार केला.

यानंतर ॲड. विशाल निंबाळकर यांनी प्रास्ताविकातून उपस्थितांना प्रमुख पाहुण्यांचा परिचय करून दिला. कार्यक्रमाच्या शेवटी त्यांनी आभार प्रदर्शन केले. तसेच सोसायटीचे सचिव श्री. बाळासाहेब निंबाळकर यांनीही प्रमुख पाहुण्यांनी कार्यक्रमाला उपस्थित राहिल्याबद्दल मनःपूर्वक आभार व्यक्त केले.

यावेळी श्री. सीताराम राणे आणि डॉ. किशोर गाडे यांच्या हस्ते सोसायटीचे सचिव श्री. बाळासाहेब निंबाळकर यांना ‘उत्कृष्ट हौसिंग सोसायटी’ म्हणून प्रशस्तीपत्र प्रदान करून सन्मानित करण्यात आले. हा सन्मान स्वीकारताना उपस्थित रहिवाशांनी टाळ्यांच्या कडकडाटात समितीचे अभिनंदन करत शुभेच्छांचा वर्षाव केला.

कार्यक्रमाला गोयलजी, वर्माजी, गोयंका बंधू, भावना रावत, नितीन शाह यांच्यासह सोसायटीचे मान्यवर सदस्य, रहिवासी, मॅनेजर ईश्वरजी तसेच कर्मचारी मोठ्या संख्येने उपस्थित होते.

आपल्या मनोगतात श्री. सीताराम राणे आणि डॉ. किशोर गाडे यांनी रुस्तमजी आजियानो एबीसी हौसिंग सोसायटीच्या उत्कृष्ट कार्याचा मुक्तकंठाने गौरव करत भविष्यातील वाटचालीसाठी शुभेच्छा दिल्या.